Statuja e heroit tonë kombëtar do të vendoset edhe në kryeqytetin hungarez, në Budapest.
“Edhe në Budapest do të vendoset statuja e Skënderbeut. Sot Ambasadori Spasse vizitoi studion e skulptorit Mihaly Gabor, për të parë maketin me përmasa reale. Pas disa ndryshimeve në fizionominë e portretit dhe lejes përfundimtare të Këshillit Bashkiak, statuja do të vendoset në parkun qendror të qytetit, përballë statujës së Janos Huniadit”, thuhet në njoftimin e Ambasadës shqiptare në Hungari.
Historia ka dokumentuar miqësinë dhe aleancën mes heroit kombëtar hungarez dhe Gjergj Kastriotit.
Në vitin 2012 në Tiranë një rrugë ka marrë emrin e heroit hungarez, Janos Huniadi, ndërsa në vitin 2016 u vendos një pllakë përkujtimore përballë Sahatit në nder të tij.
