Zëdhënësi i BE-së, Peter Stano, ka folur sërish mbi dialogun Kosovë-Serbi ku është shprehur se marrëveshjet e nënshkruara duhet të impelementohen, përfshirë edhe marrëveshjen për Asociacionin e Komunave me Shumicë serbe.
I pyetur lidhur me deklaratën e kryeministrit Albin Kurti se nuk do të lejojë të formohet Asociacioni, Stano ka thënë se “BE-ja nuk i komenton deklaratat e të tjerëve” dhe se “është e qartë kur bëhet fjalë për zbatimin se çfarë është marrë vesh në dialog”.
“Duhet të bëjmë gjithçka që të zbatohet ajo çfarë është nënshkruar”, -ka thënë Stano.
Kryeministri i Kosovës, Albin Kurti, në një intervistë për median britanike BBC, ka deklaruar se s’do të lejojë formimin e Asociacionit të Komunave me Shumicë Serbe qoftë si kryeministër apo në opozitë.
