Paralajmërohet shembja e ndërtesës mes Stadiumit e Sheratonit
Në mbledhjen e Këshillit Kombëtar të Territorit është diskutuar projekti për ndërtimin e stadiumit të ri në Tiranë. Kryeministri Edi Rama ka qenë shumë i ashpër me kundërshtarët e projektit të paraqitur, për të cilët ka thënë se flasin pa ditur asgjë rreth tij. Kryeministri foli për gjendjen e stadiumit actual, financimin e projektit të ri por edhe për vetë projektin që së bashku me stadiumin ka edhe një kullë.
Ja disa pjesë nga fjala e kryeministrit Rama:
Ç’është në fakt sot stadiumi Qemal Stafa? Është një qendër e mjeruar tregtare, një gërmadhë, një tendë garazhesh që nuk ka asgjë të përbashkët me asnjë lloj standardi, jo për qendrën e Tiranës, por është një turp në mes të kryeqytetit. Është një turp i madh për vendin tonë. Takimin e parë që kam pasur me Presidentin e Federatës si kryeministër, rrezikohet që ekipi jonë të çohej në emigracion për të luajtur ndeshjet e kombëtares. Ky stadium është i damkosur nga UEFA. Tirana nuk mund ta ketë luksin që të ketë një gropë të errët gjatë natës dhe një gropë pa funksion gjatë ditës.
Nuk ka sot investitorë për të ndërtuar një stadium për çoka. Stadiumi është i dhuruar nga Bashkia. Stadiumi i Juventusit është i dhuruar. Jo vetëm që nuk kanë kërkuar para, por i kanë vënë në dispozicion truallin. Ajo çka kemi bërë me Elbasan Arena dhe “Loro Biriçin” na bën nder si qeveri, sepse e kemi bërë për të shpëtuar nderin e ekipit kombëtar. Për të bërë të mundur që të mos hynim në histori si vendi i parë dhe i fundit në planet që në kohë paqeje, çon kombëtaren në shpinë e botës. Edhe Shqipëria e ka bërë në 97-n. Ka edhe një problem të rëndësishëm, stadiumet nuk ndërtohen më vetëm për futboll. Kam dëgjuar krahasime shumë qesharake. Stadiumi kombëtar nuk e ka mundësinë për të administruar vetveten. Problemi i madh që ne kemi me stadiumin e Elbasanit dhe të Shkodrës është administrimi i përditshëm.
Unë nuk e di nëse është gjëja më e udhës që një projekt të sulmohet pa u kuptuar deri në detaje. Stadiumi i ri kthen sheshin e “Brazinit” dhe “Bozios”. E heq parkingun e makinave. Aty është një parking makinash ordiner. Askush nuk është kujtuar se ku është piazza. Ajo është e konceptuar për këmbësorët që nuk ka qenë e tillë që kur erdhi lira. Projekti i ri ia rikthen këmbësorëve.
Projekti i ri i hap rrugën për ta çliruar sheshin edhe nga ndërtimi midis stadiumit dhe Sheratonit. Projekti krijon dy hapësira të reja publike që nuk ekzistojnë sot. Vetëm këtu mund të ndodhi që këta teologët e trashëgimisë mund ta pranojnë që ajo ngushtica të jetë normale. Stadiumi tërhiqet dhe krijon dy hapësira për publikun.
Është e pa konceptueshme për mua fobia për kullat. Për sa i përket stadiumeve me kullë, nuk është shpikje e arkitektëve italianë. Do të isha shumë i lumtur që ne të ishim të parët. Kulla dhe stadiumi kanë bashkëjetuar qysh në fillim vitin e shekullit të shkuar. Mjafton të kthesh kohën dhe të shohës stadiumit aktual të Firences dhe kullën e ndërtuar para Luftës së Dytë Botërore.
