Është zyrtare. Do të jetë Francesca Michielin që do të prezantojë Italinë në festivalin europian të këngës Eurovizion 2016, i cili do të mbahet ne Stokholm ne datat 10- 14 Maj. Vendimi u mor pasi fituesit e Sanremos “Stadio” hoqën dorë nga pjesmarrja në Eurovizion.
Zgjedhja e këngëtares së re e cila u duartrokit fort në Sanremo dhe fitoi zemrat e publikut u bë nga televizioni Rai. Ata zgjodhën këngëtaren e re e cila ishte e dyta në klasifikimin final. Michielin kishte fituar para disa vitesh konkursin Xfactor në Itali.
