Tërmeti tragjik i 26 nëntorit që la pas 51 viktima nxorri gjithashtu jashtë funkionit shumë banesa apo institucione publike.
Një ndër objektet e pabanueshme pas tërmetit ishte edhe Urgjenca e Spitalit të Laçit gjë që ka bërë që ky shërbim të kryhet nën një çadër.
Çadra është vënë mbi një sipërfaqe të pa shtruar dhe me dhe, dhe erërat që fryjnë ngrenë flegrat e çadrës duke future edhe pluhurin brenda.
Kjo lë shumë për të dëshiruar për kushtet higjieno-sanitare ku kryhet shërbimi ambulator për pacientët e sëmurë, aq më tepër kur dihet se shumica e rasteve që trajtohen këtu kanë të bëjnë me vënie serumi dhe marrje të mostrave të gjakut për analiza.
Edhe Shefi i Urgjencës së spitalit të Laçit, mjeku Agron Lala, pohon se kushtet e punës nuk janë optimal, e megjithatë përkushtimi i stafit të bluzave të bardha është maksimal.
Video nga BallkanWeb:
