Ilir Hoxholli kishte kërkuar ndihmë me urgjencë për familjen ekstremisht të varfër në Rrogozhinë dhe fëmijët e sëmurë të kësaj familje.
Spitali Amerkan i është përgjigjur thirrjes për ndihmë që Ilir Hoxholli kishte kërkuar dje për një fëmijë që kishte një vit që vuante prej sëmundjes.
Spitali Amerikan ka marrë përsipër t’i vijë në ndihmë djalit për shërbimet shëndetësore, pasi ai është i sëmurë me anemi dhe nga zorra e trashë. Familja e përbërë nga katër persona, nëna me tre djem jetojnë në varfëri ekstreme në qytetin e Rrogozhinës.
Në thirrjen për ndihmë që Ilir Hoxholli ka postuar në facebook shkruan:
“Djali i vogël nuk mund të shkojë në shkollë, i sëmurë me anemi dhe nga zorra e trashë. Djali i dytë me nota të mira, rrezikon të humbasë shkollën i sëmurë me shtyllën kurrizore. Djali i madh ka lënë shkollën e mesme për arsye ekonomike. Jetojnë vetëm me 5700 lekë të reja në qytetin e Rrogozhinës.
Të shtunën ne do të shkojmë tek kjo familje, kush dëshiron të na bashkëngjitet. Për çdo informacion shtesë ju lutem na kontaktoni në inbox, ky është një rast që ka nevojë për shumë gjëra, nuk mund të qëndrojmë indiferentë, qoftë duke e shpërndarë. Zoti ju dhëntë mirësi për çdo kontribut, qoftë dhe një fjalë të mirë, një lutje.”
