SPAK i ka kërkuar GJKKO-së që të konfiskojë pasuritë e Redjan Rrajës, nipit të deputeti socialist Rrahman Rraja dhe t’i kalojnë shtetit. Mes pasurive është edhe një makinë, që përdor modelja Kejvina Kthella.
Mes pasurive të vendosura në mënyrë kriminale nga Redjan Rraja, që SPAK kërkon t’i kalojë shtetit është edhe një makinë që aktualisht ndodhet në pronësi të modeles së njohur Kejvina Kthella. Kjo e fundit ka pasur një histori dashurie me Redjan Rrajën, ndërsa sipas SPAK Audi A8 luksoz zotërohet në mënyrë të tërthortë nga Redjani, pavarësisht se pronësia e automjetit është në emër të Kejvina Kthellës.
Redjan Rraja u arrestua në vitin 2019 pas një atentati ndaj makinës ku udhëtonte prokurori Arjan Ndoja; Aleksandër Laho si edhe Andi Maloku. Ky i fundit mbeti i vdekur në atentat, kurse prokurori Ndoja dhe Laho mbetën të plagosur.
