Struktura e Posaçme Antikorrupsion (SPAK) sekuestron pasuritë e një trafikanti italian të identifikuar si Giovanni di Cosimo si dhe një shtetasi shqiptar, Bledar Seferi (Hakorja).
Mësohet se italianit të kërkuar për trafik droge, pastrim parash e grup të strukturuar kriminal, i janë sekuestruar 9 asete pasurore, mes të cilave një fabrikë për prodhimin e lëndëve plastike në Shijak, arë dhe truall me sipërfaqe 5 954 m2 , një ullishte me sipërfaqe 6 550 m2 në Tiranë, si dhe 3 mln lekë e 22 mijë euro në një bankë
Kjo ka ardhur si rrjedhojë e bashkëpunimit të organeve të drejtësisë Shqipëri-Itali.
Italiani bashkëpunonte me shqiptarin Bledar Seferi (Hakorja) të cilit i janë sekuestruar katër makina, fabrika e përbashkët e plastikës që kishte me italianin si dhe disa llogari bankare.
Sipas SPAK, pasuritë e italianit Cosimo dhe shqiptarit janë vendosur si pasojë e trafikut të lëndëve narkotike.
