Ish deputeti i PD, Bardh Spahia ka insistuar se numri i testimeve është e vetmja rrugë, që kthen normalitetin.
Me anë të një deklarate për mediat, Spahiu bën thirrje se kjo mënyrë është efektive dhe po ashtu zvogëlon mundësinë që mjekët e infermierët të preken nga Covid-19.
Postimi i ish deputetit të PD Bardh Spahia:
RRUGA E VETME PER KTHIMIN SA ME SHPEJT NE NORMALITET ESHTE SHTIMI I TESTIMEVE
Rezultatet pozitive të pacientit ndërsa merrte shërbim në spitalin e Traumës, pas aksidentit automobilistik, tregojnë dhe njëherë rëndësinë e rritjes se testimeve, pasi në këtë mënyrë jo vetëm nuk arrijmë të shkëpusim dot zinxhirin e infektimit por po vihet çdo ditë në rrezik shëndeti i mjekëve dhe infermiereve dhe rritja e të infektuarve nëpër spitale.
Sot kemi disa mjek dhe infermierë nga spitali i traumës të vetëkarantinuar. Uroj me zemër që ti kenë shpëtuar infektimit dhe të kthehen shpejt në krye të detyrës aty ku ka dhe shumë nevojë.
Testimet kanë garantuar suksesin e menaxhimit të përhapjes së covid-19 në shumë vende që sot po bëhen gati ti hedhin hapat e para drejt normalizimit. Prandaj pa humbur kohë duhet shtuar numri i testimeve në mënyrë që të nis hapja dhe kthimin në normalitet ne mënyrë të sigurt dhe të qëndrueshme.
