Në Maqedoninë e Veriut sot pritet të zhvillohet seanca konstituive e parlamentit të ri, të dale nga zgjedhjet e parakohshme të 15 korrikut.
Seanca do të drejtohet nga kryeparlamentari ne largim Talat Xhaferri dhe nën masa të rrepta kundër pandemisë. Për herë të parë, konstituimi mbahet jashtë sallës plenare, ku janë siguruar të gjitha kushtet sipas rekomandimeve të institucioneve shëndetësore.
Në mbledhjen e parë propozohet kryetari i Kuvendit, ndërsa më pas edhe nënkryetarët. Pas kesaj seance liderët politike pritet të nisin zyrtarisht negociatat për shumicë të re parlamentare.
Takimi zyrtar i cili mësohet se do të zhvillohet gjatë ditës së sotme është ai mes liderit të LSDM-së, që u rendit e para në zgjedhje, Zoran Zaev dhe atij të PDSH-së, Menduh Thaçi.
Nga sot nis afati 10 ditor që ka në dispozicion presidenti i Maqedonise se Veriut, sipas Kushtetutës, për ti besuar mandatin e formimit të qeverisë liderit të partisë ose grupimit politik, që ka siguruar shumicën në Kuvend.
