Sot i arrestuar, si e përdorte dikur Rama, Lefter Kokën për të “joshur” Nasip Naçon

0
509

Kryeministri Edi Rama ende nuk ka reaguar për ish-ministrin e tij Lefter Koka. Pavarëissht kësja formula është e njohur. Kush përfundon në pranga kreu i qeverisë nuk heziton ta “shesë”. “PS nuk merr në mbrojtje askënd që ka probleme me ligjin”, është refreni i dëgjuar nga kryeministri në ngjarje të ngjashme.

Lefter Kokësu arrestua ditën e sotme, pasi akuzohet për çështjen e inceneratorëve. Duket se një fund të tillë Koka e mësoi disa muaj më parë, kur dha dorëheqjen nga mandati i deputetit, teksa bëri fushatë dhe mblodhi vota për PS në Durrës.

Jo shumë kohë para 25 prillit, një video beri bujë në rrjetet sociale. Kryeministri Edi Rama nën shoqërinë e Lefter Kokës mundohej të joshte Nasip Naçon, dikur në LSI që t’i bashkohej PS-së.

Dialogu i Edi Ramës dhe Lefter Kokës:

Edi Rama: Po ku je mo Nasip, ku je mo burrë, kaq partiak je, sa nuk vjen as të pish një gotë verë? Se ti je dhe qytetar… pi njeriu një gotë verë… apo ke hall se të shpallin armik. Ti s’je shpallur akoma po në listë je për t’u shpallur për armik… shihe pak këtë shihe (tregon me telefon Damian Gjiknurin që qesh).

Hë mo fol ti…

Lefter Koka: Ky është pak kështu, nuk ka kurajo…

Edi Rama: Jo mo kurajo ka ky, por ka atë burrninë që do ta vrasin njëherë në mexhelis. O Nasip…

Lefter Koka: E ka vrarë Lona, i kanë thënë të vënë Elona Gurin para këtij…

Edi Rama: O Nasip, raki Skrapari vëlla, na fto ndonjë ditë, të jesh mirë, të përshëndesim vëlla.

Nasip Naç njoftoi pak ditë më pas nga Berati, në krah të ministrit Blendi Klosi, kalimin e tij nga LSI te PS.