Sonte në Roterdam zhvillohet nata finale e Eurovision. Shqipëria, e cila këtë vit përfaqësohet nga këngëtarja Anxhela Peristeri me këngën “Karma” arriti të kualifikohet për natën finale, që zhvillohet mbrëmjen e sotme.
Së bashku me Shqipërinë u kualifikua edhe Serbia, Greqia, Bullgaria, Portugalia etj. Ndonëse me një pjesëmarrje të kufizuar spektatorësh për shkak të pandemisë, në sallën e Eurovision nuk mungoi spektakli, që do të vijojë edhe mbrëmjen e sotme derisa të shpallet fituesi i këtij viti.
Përveç Anxhela Peristerit, në finalen e Eurovisionit do të marrë pjesë edhe një shqiptar. Bëhet fjalë për Gjon Muharremajn, i cili përfaqëson Zvicrën në finalen e së shtunës. Performanca e Muharremajt u vlerësua lart nga kritikët.
