Në mbledhjen e Asamblesë së Partisë Socialiste që do të zhvillohet ditën e sotme, parashikohet një analizë e qeverisjes së socialistëve në 100 ditët e para, por dhe prioritetet për vitin 2018.
Kjo është analiza e parë që qeveria bën për qeverisjen e saj e vetme, ndërsa peshën ia ka vënë dhe bashkëqeverisjes me qytetarët.
Gjithashtu në mbledhjen e sotme, sekretariati ekzekutiv mësohet se do të pësojë ndryshime. Pritet të ketë emërtime të reja të sekretarëve, duke ndryshuar dhe funksionin e tyre, ndërsa nuk priten ndryshime të emrave aktualë.
Në asamble, pritet të mbajë fjalën e tij edhe kryesocialisti Edi Rama. Me interes pritet të dëgjohen prej tij prioritetet e qeverisë për vitin 2018.
