Kryesia e BDI-së pritet të vendosë sot nëse do të ndahet përfundimisht nga VMRO-DPMNE-ja apo do të krijojë sërish koalicion me Nikolla Gruevskin
Në mbledhjen e sotme rreth orës 14:00 do të vazhdojnë bisedimet për vendimin e BDI-së në lidhje me vazhdimin e koalicionit BDI-VMRO-DPMNE ose krijimin e një të riu me Nikolla Gruevskin, pasi sot është afati i fundit i mandatarit Gruevski për të formuar qeverinë e re.
Zëdhënësi i BDI-së, Bujar Osmani tha që janë të hapur përballë të pesta opsioneve ndërsa nuk do të ketë asnjë tolerancë për gjuhën shqipe.
Osmani shtoi ndër të tjera që “…nuk na interesojnë partitë por programi dhe deklarata e përbashkët e partive shqiptare. Për sa i përket Speciales edhe kjo mbetet si kusht por ajo që mbetet si shtylla kryesore është ajo e gjuhës në të gjithë territorin e Maqedonisë. Ne do kapemi prej platformës dhe 4 kushteve, nëse dikush nga partitë maqedonase pranon ne jemi gati të bëjmë bisedime me të”
