Sipas sondazheve të “CNN/ORC” presidenti i zgjedhur Donald Trump i cili do të zyrtarizohet të premten vetëm me një shkallë mbështetjeje prej vetëm 40% .
Pas një periudhe të trazuar tranzicioni, shkalla e mbështetjes për Donald Trump është shumë më e ulët krahasuar me të paktën 3 paraardhësit e fundit të tij.
Rreth 53% e të intervistuarve thonë se, deklaratat e Trumpit dhe veprimet e tij që nga dita e zgjedhjeve ua kanë zbehur besimin tek aftësia për të menaxhuar Presidencën.
Ndërkohë që edhe opinioni për Zonjën e Parë të ardhshme, Melania Trump është i përzierë: 36 për qind në favor, 35 për qind kundër dhe 28 për qind të pasigurtë. Vajza e Trumpit, Ivanka, e cila po ashtu do të zhvendoset në Uashington, duket se ka një performancë më të mirë sesa i ati, apo Zonja e Parë e ardhshme.
Në total, 44 për qind kanë përshtypje të mira për të, 33 për qind përshtypje të këqija dhe 23 për qind thonë se janë të pasigurt. CNN, ndërkohë, sqaron se sondazhi është kryer me telefon mes 12 dhe 15 janarit dhe ka një shkallë gabimi prej plus apo minus tre pikësh.
