Drejtori i Përgjithshëm i Policisë së Shtetit, Skënder Hita ka bërë një ndryshim në drejtimin e një prej komisariateve në kryeqytet, duke emëruar në krye të Komisariatit Nr. 6 në Tiranë, Alban Hoxha.
Ai zëvendëson në këtë detyrë Edvin Pecin.
Alban Hoxha vjen në këtë pozicion nga detyra e shefit të Sektorit të Krimeve në Volum në Drejtorinë Vendore të Policisë së Tiranës. Më herët, ai ka mbajtur funksione të rëndësishme si shef i antidrogës dhe i operacionales, si dhe detyra të tjera drejtuese në qarkun e Fier dhe në Shkodër.
Ky emërim vjen si pjesë e riorganizimeve të brendshme në strukturat e Policisë së Shtetit në Tiranë, pas marrjes së detyrës së kryepolicit nga Skënder Hita.
gijotina.com/
