Disa ditë pas skandalit që ndodhi në qytetin e Durrësit në lidhje me betonizimin e disa zbulimeve arkeologjike që dolën në pah gjatë punimeve për Velierën, Ministrja e Kulturës Mirela Kumbaro dhe Kryebashkiaku i Durrësit Vangjush Dako do të jenë të hënën në një seancë dëgjimore në Kuvend.
Seanca dëgjimore do të bëhet në lidhje me zbatimin e legjislacionit për trashëgimin kulturore në qytetin e Durrësit, gjatë ndërtimit të një vepre të re urbane.
Kjo erdhi pas kërkesën së opozitës dhe reagimeve të shumta të qytetarëve, intelektualëve, gazetarëve dhe shumë mediave që denoncuan me foto e video skandalin që po ndodhte në Durrës me betonizimin e disa mureve antike.
Në Komisioni për Edukimin dhe Mjetet e Informimit Publik në seancë dëgjimore përveç Ministren së Kulturës dhe kryebashkiakut të Durrësit, do të jenë dhe Unionin e Ekspertëve Mjedisorë të Shqipërisë, Përfaqësues të Institutit të Arkeologjisë dhe Aleancën e Mbrojtjes së Vlerave Kombëtare.
Seanca dëgjimore për Ministren Kumbaro dhe Kryebashkiakun e Durrësit Dako do të fillojë rreth orës 11:00.0
