Policia e Tiranës ka zbarkuar këtë të hënë në spitalin Covid-2 “Shefqet Ndroqi” duke arrestuar katër pjesëtarë të stafit mjekësor të këtij spitali që lidhen me rastin abuziv të sanitares Tire Alldervishi.
Skandali doli në pah pak ditë më parë pas denoncimit të vajzës së të ndjerës, sipas të cilës ajo kishte dhënë shuma të mëdha parash tek një sanitare e njohur si Tire Alldervishi me qëllim që të kujdeseshin për nënën e saj.
Krahas sanitares Tire Alldervishi, me urdhër të prokurorisë janë arrestuar gjatë ditës së sotme edhe infermiret Sheqerije Koçi; Sidorela Çela; Mira Bushi si edhe sanitarja Rukije Hoxhaj. Të katërta ato akuzohen për “Mashtrim” dhe “Shpërdorim detyre”.
Ngjarja
Në datën 28.11.2020 mamaja e kallzueses është shtruar tek spitali universitar “Shefqet Ndroqi” pasi ka rezultuar pozitive me COVID 19 dhe ka nderruar jete po ne kete spital me date 25.12.2020. Në derë i është paraqitur një shtetase e veshur si infermiere dhe i ka thënë që është infermiere në spitalin “Shefqet Ndroqi”. Kjo shtetase ishte Tire Alldervishi dhe qe më vonë ka marrë vesh se punonte si sanitare në këtë spital.
Që në momentin e parë i ka kërkuar një shumë lekësh prej 2000 lekësh që ti jepja telefonin mamit, duke i thënë që po e bënte për atë edhe pse nuk e kishte parë asnjëherë më përpara. Më pas i thotë që ta presë në lokal.
Kur vjen në lokal i ka thënë, meqënëse infermierët e tjerë nuk lejohen të vijnë në lokal, e ka marrë ajo përsipër duke i kërkuar shumën e lekëve e cila ishte 10 000 për doktoreshën dhe 5000 për infermierët dhe sanitarët që i hiqnin pampersin.
Kjo shumë vazhdonte çdo ditë dhe kanë qenë ditë të pakta që kallzuesja ka dhënë vetëm 3000 lekë për infermierët dhe 5000 për doktoreshën dhe përpos tyre i jepte listën e ilaçeve që duhet të merrte nga jashtë. Kallzuesja nuk e dinte a po ja jepnin ilaçet apo jo sepse mami i saj i kishte thënë me mesazhe që nuk i japin asgjë nga ato që i sillnim ata.
