Partia Lëvizja Socialiste për Integrim ka reaguar sot pas skandalit në Dogana, ku u treguar se si Gent Gazheli ka punësuar pjesëtarë nga e njëjta familje në këtë institucion. Në një postim në rrjetet sociale, Nënkryetari i LSI , Petrit Vasili, i kërkon kryeministrit Rama të japë dorëheqjen pasi i ka mbushur doganat në një çiflig privat dhe i ka mbushur ato me kontrabandistë. Numri dy i LSI thekson se në kundërshtim me ligjin, në institucionin e doganave punojnë persona me lidhje familjare me njëri tjetrin.
“Edi Rama jep dorëheqjen, qeverisja jote qelbet nga kontrabanda, nepotizmi dhe korrupsioni! Mbushur dogana me kontrabandistë. Mbushur dogana me familjare sikur është çiflig privat dhe jo institucion shteti. Nënë e bir, burrë e grua, nënë e bijë të punësuar vetëm në Dogana, po kështu në qeveri tarafe krushqish, po kështu ne Drejtësi vëllezër e motra ministrash, një degradim i tille vetëm ne qeverisjen e Edi Rimës ka ndodhur. A ka me goje tani për tu justifikuar akoma ky Edi Rama, kur faktet ulërijnë?
Thuaj prapë Edi Rama qË ta ka fajin media qe i denoncon, se ta paska fajin media qe te kane dale për duarsh te gjithë këta te paturp, qe e shpartalluan shtetin ne çdo pikëpamje. Çfarë pret me ky kryeministër, qe rri si gjel mbi plehun e qeverisjes se tij te degraduar e te degjeneruar kryq e themel. Ramë jep dorëheqjen se e ktheve qeverisjen ne lapangjozllëk dhe horrllëk”, shkruan Vasili. Ndërsa kujtojmë se pak ditë më parë të tjera abuzime të Gent Gazhelit u publikuan në media.
