Televizioni publik i Greqisë, “Zougla.gr”, ka bërë një gafë, duke ndryshuar flamurin e Kosovës, në ndeshjen e hendbollit që Dardanët u përballen me Greqinë.
Në fakt ky televizion ngatërroi hartën e Kosovës, duke e zëvendësuar me atë të Australisë, gjatë transmetimit të ndeshjes Greqi – Kosova.
Mirëpo, ky gabim u përmirësua shumë shpejt nga televizioni publik grek, të cilët më pas e zëvendësuan flamurin e Kosovës. Ndërkohë, sa i përket ndeshjes, Kosova ishte e pafat, pasi që e humbi atë me shifrat 26:25.
Ky takim ishte i vlefshëm për kualifikimet e Kampionati Botëror të vitit 2023, për të cilin Kosova tashmë ka pak gjasa për t’u kualifikuar. Dardanët pozicionohen në vendin e fundit të Grupit 1 me vetëm një pikë të grumbulluar gjatë katër ndeshjeve.
Djelmoshat e Kosovës do të zhvillojnë edhe dy ndeshje: Më 12 janar e presin Turqinë, ndërsa dy ditë më vonë udhëtojnë te Belgjika. /Albanianpost.com
