Një shqiptar ka rënë pre e dhunës dhe grabitjes në Turqi duke i marrë lekët dhe dokumentat dhe më pas e kanë mbyllur në një lokal. Shqiptari, Denaldo Çapoku me dokumenta italiane thotë për “Syri.net” se ambasada shqiptare në Turqi nuk i përgjigjet dhe atij i duhet ndihmë urgjente.
Ai tregon se ka shkuar në Turqi në datën 14 dhe kur ka shkuar në një lokal, pasi u ka kërkuar ti këmbenin 100 euro, ata i kanë thënë se janë falso dhe nëpërmjet forcës së ushtruar mbi të i kanë marrë partë dhe e kanë shtyrë jashtë lokalit. Pas kësaj ka hasur dy policë që u ka treguar ngjarjen po që nuk bënë asgjë për ta ndrequr situatën.
“Pasi Policia lexoi letrën pronari më ka dhënë 1000 lira ata duhet të më jepnin lekët e mia sepse unë i kisha paguar të gjitha. Ika sot në stacion të Policisë prapë iu kam shpjeguar situatën dhe s’kam marrë asnjë lloj ndihmë nga Policia turke. Kam ikur nga zyra pa e zgjidhur problemin, kam marrë ambasadën shqiptare dhe asnjë nuk më është përgjigjur,”-shpjegon shqiptari lidhur me ngjarjen që i ka ndodhur.
Shqiptari tregon se ka kërkuar edhe ndihmën e Policisë por që nuk e ka marrë në asnjë çast.
