Letër në redaksinë e 27.al, nga jursiti i spikatur shqiptarë në SHBA, Genci Bilali, kandidati i përjashtuar nga procesi për zgjedhjen e Kolegjit të Apelit në Komisionet e Vetting-ut.
Partia Socialiste dhe Partia Demokratike kanë vendosur të përjashtojnë nga komisionet e vetting-ut, kandidaturat që vijnë nga jashtë. Për ta realizuar këtë, komisioni parlamentar ad-hoc i ngritur pranë Kuvendit për të dëgjuar kandidaturat, i ka dhënë një afat shumë të kufizuar kohor kandidatëve që jetojnë jashtë Shqipërisë, për t’u paraqitur në dëgjesën pranë këtij komisioni.
Genci Bilali është një prej tyre, avokat me një karrierë të shkëlqyer në Shtetet e Bashkuara të Amerikës. Ai ishte përzgjedhur të jetë si kandidat për anëtarë i Kolegjit të Apelit në komisonet e vetting-ut. Bilali do të duhet të ishte sot para komisionit ad-hoc për vlerësimin e kandidatëve për t’u dëgjuar si kandidaturë pë Kolegjin e Apelit. Po, ai nuk ka mundur të jetë në Tiranë, pasi ftesa i ka mbërritur me vonesë duke bërë që të digjet si kandidaturë për Kolegjin e Apelit në komisionet e vetting-ut. Ai dyshon se kjo është një lëvizje e mirëmenduar për të shmangur përzgjedhjen e ekspertëve ligjorë që vijnë nga jashtë, me qëllim që dy partitë në marrëveshje të fshehtë mes tyre, t’i japin hapësirë njerëzve të përzgjedhur prej tyre në Shqipëri. Kandidati Bilali, ishte skualifikuar në fazën e parë, por pas presionit të mediave dhe diplomatëve të përfshirë në realizimin Reformës në Drejtësi, u rikthye në garë bashkë me të tjerë ekspertë ligjorë shqiptarë që jetojnë në vende të Perëndimit, atje ku kanë spikatur si juristë. Genci Bilali i ka dërguar një letër redaksisë së 27.al, ku shpreh shqetësimet e tij lidhur me këtë proces.
Letra
Unë jetoj dhe punoj në New York, mbi 20 vjet, si avokat. Arsyeja që po ju shkruaj ka të bëjë me faktin se komisioni ad hoc në Parlamentin e Shqipërisë, më ka dërguar një ftesë për t’u paraqitur përpara komisionit për t’u dëgjuar sot, më datë 30 maj, në një kohë që ftesën ma dërguan të premten, javës që shkoi.
Unë kam aplikuar për Kolegjin e Apelit në Komisionin e vetting-ut. Fakti që m’u dha një ftesë për t’u dëgjuar vetëm me 3 ditë kohë, e bëri të pamundur pjesëmarrjen time në seancën dëgjimore. Unë kam detyrime profesionale e familjare dhe ky afat kaq i shkurtër nga ana e komisionit ad hoc, jo vetëm që nuk më duket serioz, por dyshoj se mundet të jetë bërë në këtë mënyrë për të eliminuar kandidatë që ndodhen jashtë vendit, për arsye që në fund të emërojnë njerëzit e tyre. Mendoj se publiku duhet informuar për këtë çështje.
Unë i shkruajta komisionit ad hoc dhe i qartësova arsyen, pse e kisha të pamundur pjesëmarjen në seancën dëgjimore, por nuk me kthyen përgjigje.
Ju falenderoj dhe ju uroj një jave punë të mbarë!
Genci Bilali.
Genc Bilali është diplomuar në The University of Edinburgh School of Law Doctor of Philosophy (Ph.D.), Banking, Corporate, Finance, and Securities Law, Fordham University School of Law Master of Laws (LLM), Banking, Corporate, Finance, and Securities Law, Georgetown University Law Center, International Law Institute Diploma, Debt Management Course, University of Tirana School of Law Bachelor’s Degree, Law Degree (Juris Doctor”
