Në një postim në facebook, ish-kryeministri Sali Berisha, ka publikuar denoncimin e një qytetari, sipas të cilit skafi që u përdor nga Arjan Tase, komisari i përjashtuar nga Policia, pas tragjedisë së ndodhur në Potam, ku humbi jetën një vajzë 7-vjeçare, e cila ndodhej në bregun e detit, përdorej për transport droge. Sipas mesazhit, skafi me dy motora i përket një grupi trafikantësh që kanë punuar dhe punojnë për transportim hashashi për Itali, Greqi dhe Malin e Zi, për llogari të Habilajve dhe Geron Xhafës, por që janë mbrojtur dhe favorizuar nga oficeri Arjan Tase me detyrë Komandant i Stacionit Policisë Himarë.
“Skafi që përdori Tase ditën e tragjedisë shërbente për trafik droge. Skafi i fuqishëm i komisar Tases përdorej nga Habilajt dhe Gerond Xhafa për trafik droge! Lexoni denoncimin e qytetarit dixhital: Përshëndetje Doktor! Uroj të jeni mirë me shëndet familjarisht. Jam oficer policie. Po ju informoj në lidhje me Motogomonen me dy motorra të fuqishëm që aksidenti 7-vjeçaren në Potam: Motogomonja ( Skafi) me dy motorra i përket një Grupi trafikantësh që kanë punuar dhe punojnë për transportim hashashi për Itali, Greqi dhe Malin e Zi, për llogari të Habilajve dhe Geron Xhafës, por që janë mbrojtur dhe favorizuar nga oficeri Arjan Tase me detyrë Komandant i Stacionit Policisë Himar…! Motogomonja ( Skafi), në ditët e fundit të muajit Maj, ka pësuar një defekt duke trasportuar 700 kg hashash për në Ishujt e Greqisë. Pastaj është tërhequr nga Deti dhe është dërguar me një automjet të mbyllur në një Servis të specializuar për Skafet në Rajonin e Kurbinit në afërsi të Patokut ku i është nënshtruar servisit për më shumë se një muaj. Pra është mjet lundrues për operacione të shpejta (trafik të paligjshëm) dhe jo mjet lundrumi për shërbime turistike…! Faleminderit” – shkruan Berisha në facebook.
