Pak minuta më parë një tërmet 4,3 ballë tronditi sërish Shqipërinë duke krijuar panik tek qytetarët.
Sizmiologu Rexhep Koçi i bën thirrje qytetarëve në Tiranë, Durrës e Vorë të ruajnë qetësinë pas lëkundjeve pasi sipas tij ky tërmet është në funksion të rutinës, pas tërmetit kryesor të 26 nëntorit.
“Para disa minutash është regjistruar në veri të Durrësit, me magnitudë 4.3 në thellësi 29 kilometra. Unë jam në Kryevidh dhe nuk e kam dëgjuar. Kjo lëkundje është në funksion të asaj rutine, që ndjekin tërmetin kryesor. Nuk ka vend për t’u shqetësuar apo ngjallur panik”, shprehet sizmiologu Koçi.
