Të dyja spitalet kryesore të COVID-19 në vend janë plotësisht të mbushura.
“BalkanËeb” shkruan se para Infektivit situata ka qenë e qetë por nuk ka qenë e tillë në 24 orët e fundit, sepse kanë mbërritur 40 urgjenca në 24 orë. “Në sanatorium deri në 8 të mbrëmjes vetëm 3 urgjenca, për shkak të mbushjes së këtij spitali. Të paktën në një javë kohë, të gjitha urgjencat e Tiranës dhe jugut të vendit kanë ardhur në Infektiv dhe tani konsiderohet totalisht i mbushur.
“Në 7 ditët e fundit, 20-27 shkurt, janë 7.153 raste pozitive nga 26.503 testime te kryera. Shkalla e pozitivitetit 1 në 3.7 ose 27%. Krahasuar me 7 ditët pararendëse 13-20 shkurt, raste pozitive 7.075 në 26.084 testime te kryera. Shkalla e pozitivitetit 3.68 ose 27,18%. Në javën e fundit mesatarja e testimeve ditore 3.780 testime ndërsa në javën pararendëse 3.726 testime, -54 testime.
Mesatarja e Rasteve të reja pozitive në javën aktuale 1.021 ndërsa në javën pararendëse 1.010, -11. Në 7 ditët e fundit kanë ndërruar jetë 122 pacientë me COVID-19, mesatarisht 17.4 në 24 orë, ndërsa në javën pararëndëse numri i fataliteteve ishte 110, pra 12 më shumë, me një mesatare ditore 15.7 fatalitete në ditë. Aktualisht rastet aktive me COVID-19 llogariten në 25.471, (+595) krahasuar me një javë më parë, 20 shkurt që ishte 24.876 raste aktive”, raportoi ai.
