Kryetari i Kuvendit Ilir Meta e ka cilësuar “të rënduar” situatën politike në Maqedoni ndaj dhe inkurajon të gjitha forcat politike në vendin fqinj për qetësi, përgjegjshmëri dhe konstruktivitet.
Përmes një deklarate Meta shprehu shqetësim dhe keqardhje për retorikat nacionaliste anti-shqiptare të cilat cënojnë harmoninë dhe bashkëjetesën ndër-etnike, si garanci për stabilitetin e vendit fqinj.
“Të gjithë aktorët institucionalë dhe politikë të tregojnë përkushtim për progresin demokratik dhe euro-atlantik të Maqedonisë”-përfundon deklaratën kryetari i Kuvendit.
