Ligjvënësja e PDIU-së Mesila Doda ka komentuar situatën politike në vend, ku e ka cilësuar shumë shqetësuese, pasi tashmë po trajtohet si një lojë.
E ftuar në emisionin Opinion në TV Klan, Doda i ka bërë thirrje partive politike se situata politike në vend duhet trajtuar me seriozitet, pasi në fund viktima është qytetari.
Në lidhje me zgjedhjet e 18 qershorit, Doda tha se zgjedhje do të ketë, PDIU është gati për fushatë, nuk është e sigurtë, nëse opozita do të marrë pjesë në zgjedhje, por ajo thotë që zgjedhjet pa opozitën janë thjeshtë votime.
“Frika ime e vetme është, sepse palët nuk duan marrëveshjen. PD është futur në momente edhe më të vështira në zgjedhje sesa në ditët e sotme. Nuk mund të vazhdojmë me këtë mosbesim mes partive politike. Opozita duhet të pranojë atë që iu afrua para një jave, por edhe qeveria duhet të afrojë atë që pranojë para një jave dhe jo të ulë ofertën. Sistemi politik cënohet kur nuk merr pjesë një forcë e madhe si PD. Me pak ndryshime të vogla paketa McAllister ishte shumë e pranueshme.
Njerëzit duan besim në politikën shqiptare. Kam dëgjuar njerëz që kërkojnë republikë të re, por nuk mund të ketë republikë të re me njerëz të vjetër”, është shprehur deputetja e PDIU, Mesila Doda.
Sa i takon mbarvajtes së zgjedhjeve, Doda tha se ne kërkuam kontrroll për zgjedhjet, kërkoj që të kem të njëjtin sistem administrimi në qendrat e votimit.
“Votën time nuk ka asnjë arsye pse të ma numëroj PS-ja dhe LSI-ja zoteri. Nuk ka asnjë arsye pse të vazhdoj të kontrollohet dhe janë dy banda që plaçkitin njëra- tjetrën dhe në një moment të caktuar kërkojnë akoma më shumë garanci”, tha Doda.
