Ministria e Financave po analizon situatën buxhetore në lidhje me shpërblimet e pensionistëve dhe familjeve në nevojë në fund të vitit.
Pothuajse çdo vit, qeveria ka dhënë nga 3 mijë deri në 5 mijë shpërblime fundviti për pensionistët dhe familjet në nevojë. Shuma totale që nevojitet është rreth 3 miliardë lekë ose 30 milionë dollarë.
Në një situatë të shtrënguar financiare në të cilën ndodhet vendi dhënia e shpërblimit të pensionistëve do të kërkojë një tjetër ndryshim në buxhetin e këtij viti.
Sipas ministres së financave, Anila Denaj përgjigja për shpërblimet do të merret në fillim të dhjetorit.
