“Qeveria shqiptare dhe biznesmenët privatë tu japin rrogat e prapamebtura naftëtarëve të Ballshit, ose ndryshe do përballen me protesta e greva si ato të minatorëvë të Bulqizës.”
Paralajmërimi është bërë nga Kreu i Konfederatës së Sindikatave, Kolë Nikollaj, gjatë analizës vjetore të Sindikatës së Industrisë, pjesë e KSSH.
Nikollaj shtoi se janë rreth 1000 naftëtare që s’kanë marrë pagat e një viti, teksa evidentoi se familjet e tyre përballen me vështërsi ekonomike.
“Sot dua të përfitoj nga rasti t’i bëj apel qeverisë Rama të kthejë sytë nga naftëtarët e Ballshit, të cilët kanë rreth 12 paga të prapambetura pa marrë, konkretisht korrik 2015-korrik 2016.
Konfederata i Sindikatave i bën apel Ministrit, Arben Ahmetaj ,dhe Kryeministrit, Edi Rama, të zgjidhe problemin e naftëtarëve të Ballshit pasi në të kundërt do të përballen më protesta të ngjashme si ato të minatorëve të Bulqizës”, tha Nikollaj.
Në të njëjtën linjë me, Kol Nikollën, ishte edhe kreu i sindikatës së Industrisë, Taf Koleci.
Drejtuesi i Sindikatës i kërkoi mazhorancës dhe opozitës të gjejnë gjuhën e përbashkët për statusin minatorit, ndërsa i kërkoi LSI-së të mos abuzojë me këtë çështje për përfitime ditore politike.
Fjala e plotë e Koll Nikollës
Ky fundvit i gjen familjet shqiptare jo siç ata do dëshironin të ishin teksa skamja dhe varfëria janë ulur këmbëkryq në shumë prej tyre.
Sot dua të përfitoj nga rasti t’i bëj apel qeverisë Rama të kthejë sytë nga naftëtarët e Ballshit, të cilët kanë rreth 12 paga të prapambetura pa marrë, konkretisht korrik 2015-korrik 2016.
Konfederata i Sindikatave i bën apel Ministrit, Arben Ahmetaj ,dhe Kryeministrit, Edi Rama, të zgjidhe problemin e naftëtarëve të Ballshit pasi në të kundërt do të përballen më protesta të ngjashme si ato të minatorëve të Bulqizës.
E frikshme kur mendon llogaritë bankare të atyre që me naftën pasuri e jona kombëtare u bënë miliardere, e që gëzojnë mbrojtje nga pushteti, ndërsa familjet e mijëra a punonjësve të thjeshtë jetojnë në varfëri ekstreme.
Kjo panorame duhet të marrë fund pasi në të kundërt pasojat do jenë të rënda.
Çmimet e hidrokarbureve në vendin tonë janë më të lartat në Evropë ndërsa cilësia është e njëjtë më vendet e Afrikës.
Shqiptarët e paguajnë më shtrenjtë se kushdo në kontinentin e vjetër naftën e benzinën, ndërsa kur mendon pagën minimalë në Shqipëri e kupton se përse të rinjtë duan të ikin një ditë e më parë nga ky vend.
Emigrimi është një plagë e vjetër që po rihapet dhe hemorragjia do ketë pasoja të rënda për popullin tonë të vogël.
Qeveria duhet të hartojnë një plan konkret kundër këtij fenomeni
Në emër të Konfederatës së Sindikatës i kërkoj qeverisë Shqiptare të miratojë Statusin e Minatorit në fillim të vitit të ardhshëm.
Qeveria duhet të lejë mënjanë inatet politike të interesave te ngushta dhe bashkë me opozitën të bëhen bashkë pasi durimi i minatorëve është në limite.
Kam gjithashtu një apel për pseudo-sindikata dhe pseudo-parti si LSI që s’janë as në opozitë as në qeveri të mos bëjnë politike ditore më një çështje kaq sensitive
Ka ardhur koha që djersa e gjaku i minatorëve të respektohet, ndërsa duke mbetur në këtë teme i kërkoj Inspektoriatit Shtetëror të Punës të vihet në lëvizje e të heqë dorë nga gjobat dhe pazaret e ulëta por të bëjë punën me seriozitet pasi jeta e shqiptarëve në punë është në rrezik.
Dua t’i kujtoj qeverisë, Edi Ramës, se nuk duhet të heqë nga agjenda kërkesat tona për rritjen e pagës minimale dhe kontratat kolektive pasi këto janë objektiva të shenjta dhe asgjë nuk na ndal deri në realizimin e tyre me çdo mjet.
Sot shoqëria shqiptare përballet me problematika të theksuara ndërkohë më lejoni t’ ju kujtoj se papunësia është shkaktari kryesor i varfërisë që shoqërohet me një sërë fenomenesh negative.
Ka ardhur koha që qeveria të mbishtese projektet sociale e të heqë dorë nga konçensionet e pafundme që nuk sjellin asgjë tjetër veçse pasurimin me tepër të disa oligarkëve dhe disa individëve të korruptuar që Rama premtoi se do ti nxirrte nga tepsia.
