Pas lajmit të bujshëm për mënyrën e festimit të futbollistëve shqiptar, FIFA po investigon dhe priten masat që do të merren ndaj Xhakës dhe Shaqirit. Mirëpo para fillimit të Kampionatit Botëror, FIFA ka publikuar në faqen e saj zyrtare një foto të futbollistit serb, Nemanja Matiç, i cili ka ngritur tre gishtat.
Kjo shenjë është përdorur nga serbët kundër shqiptarëve, kroatëve, dhe sllovenëve në vitin 1988. E teksa ndaj futbollistëve shqiptarë po merren masa për mënyrën se si ata festuan golat ndërkohë gjesti nacionalist i futbollistit serb nuk është marrë si një provokim për shqiptarët nga FIFA. Gjesti i tre gishtave është një simbol ekskluziv serb, i cili në vitet e fundit ka marrë ngjyrime të forta nacionaliste, pasi u përdor në masë nga forcat paramilitare serbe në luftë.
