Kryetari i Partisë Demokratike Sali Berisha në një komunikim për shtyp ka hedhur akuza të forta në drejtim të gjyqtarit Ardian Dvorani. Ai gjithashtu sulmoi dhe motrën e zv.kryeministres Belinda Balluku, Pamela Qirko, e cila është njëkohësisht dhe kryetare e Komisionit të Pavarur të Kualifikimit.
Berisha e cilësoi Dvoranin si simbol të korrupsionit dhe që ka fshehur 80 mijë euro.
“Sot në rendin e ditës është votimi për gjykatësin në GJK, i simbolit më të nxirë të korrupsionit në drejtësinë shqiptare dhe ky quhet Ardian Dvorani.Ardian Dvorani është zyrtarisht i akuzuar nga drejtoria se ka fshehur pasurinë në vetingun e Dvoranit është dëshmuar 100 % se sa fals është ky proces, Ardian Dvorani ësjtë gjykatësi që ka marr në vitin 2002 apartament banimi nga Albtelekom, pa asnjë kontratë, me dokumenta , siperfaqja është 120 m2.Apartamenti i Dvoranit nuk figuron në hipotekë me emrin e tij.
Por Dvorani ka fshehur 80 mijë euro. E ka kapur DSIK. Kur ka dërguar fletën, nuk ka dërguar llogarinë rrjedhëse, por vetëm finale. Askujt tjetër nuk i është propozuar kjo.
Nuk e çuan për ankimim fare në shkallën e dytë.
Por cili ishte Dvorani, kryetari i KED. Ai u soll aty si një bandit me Kushtetutën dhe ligjet e vendit. Këtu e kapi në flagrancë Komisioni i Venecias. Ai krijoi një krizë të madhe brenda vendit, se u përpoq që të merrte kandidaturën që i takonte presidentit të vendit.
Në një akt të paimagjinueshëm, ai shpallet kampion botëror i luftës kundër korrupsionit. Nuk ka fyerje më të madhe se kjo.
Ne si deputetë duhet të reagojmë. Ne duhet të informojmë të gjitha institucionet e SHBA për këtë akt.
Duhet t’i shkruajmë Departamentit të Shtetit, kryetarit të Kongresit, presidentit Biden, nuk mund të fyhen shqiptarët në këtë mënyrë. Nuk mund të shpallet kampion korrupsioni ky.
Po çfarë është Dvorani? Një xhelat, prokurori ui atyre që rrëzuan shtatoren e Stalinit në Shkodër dhe ka kërkuar gjer në 15 vite.
Ç’e ka Yuri Kim këtë pasion për xhelatët e komunizmit? Edhe për këtë duhet të informojmë qeverinë amerikane dhe institucionet e tjera.
Me ligj, nuk mund të ishte anëtar gjykate.
Kjo nuk ndodh në një vend të botës, kjo ndodh vetëm në Shqipëri dhe kjo është vepër dizinformatash që guvernatorja i ka dërguar qeverisë së vet për këtë person”, tha Berisha.
