Ministrja e Shëndetësisë Ogerta Manastirliu i ka uruar shërim të shpejtë shefes së Departamentit të Epidemiologjisë Silva Bino e cila rezultoi pozitive me koronavirusi.
Manastirliu thotë se gjendja e Binos është e stabilizuar, ndërsa shton se pret që Bino t’i bashkohet sa më parë ekipit të mjekëve.
“I uroj shërim të shpejtë prof. Silva Binos, që po trajtohet me kujdes e profesionalizëm nga kolegët e saj në spitalin infektiv në QSUT. Mjekët konfirmojnë se gjendja e saj është e stabilizuar. Dr. Bino të presim të na bashkohesh sa më parë”, shkruan ministrja.
