Mediat greke e konsiderojnë si vendimtare vizitën në Shqipëri të ministrit të Jashtëm Nikos Dendias të martën në Tiranë.
Mësohet se ministri Dendias do të takohet me homologun e tij shqiptar, ku do të diskutohet për zonën ekonomike ekskluzive midis Greqisë dhe Shqipërisë.
Po ashtu, mediat në Greqi shkruajnë që në qendër të diskutimeve do të jetë çështja e kufirit detar, e mbetur pezull qysh nga viti 2009, kur dy vendet nënshkruan marrëveshjen, por që më vonë u anulua nga Gjykata Kushtetuese Shqiptare.
“Me përfundimin e marrëveshjes së EEZ (Zona Ekonomike Ekskluzive) me Shqipërinë, “fronti perëndimor” i EEZ greke mbyllet dhe kështu hapet rruga për zgjerimin e ujërave territoriale greke në 12 milje në Jon, në mënyrën që Athina dëshiron”,- shkruajnë mediat greke.
