Në kulmin e vërshimeve të deklaratave mbi fenominin e hashashit, Loli Kuca i ka dedikuar një këngë kultivimit të kësaj bime.
Teksti i këngës flet për sakrificat që bëjnë kultivuesit e hashashit për mbjelljen, rritjen, korrjen e tij dhe në fund digjet e pritet nga aksionet e policisë.
“Të mbolla të rrita si një kanakar, të ndenja tek koka gjithë atë behar. Por ti ma shpërbleve gjithë atë hyzmet, jeshilove vendin e u bërë mbret.
E ç’hyzmet të bëra o Baba Hashash, sa një degë lisi u bëre i trashë. Të mbolla të rrita, puna vajti det.
Të mbolla të rrita të bëra si dash, po të vunë zjarrin o baba hashash. Të shikoj nga larg edhe qaj me lot, ah të zeztë neve që s’të mbrojmë dot”- thuhet në tekst.
