Hetimet në vendin ku u shënua ditën e sotme aksidenti tragjik me dy të vdekur në Berat vijojnë. Ngjaja ka ndodhur në lumin Osum aty ku përfundoi makina që drejtohej nga një 25- vjeçare me emrin Klaudia Xhaferaj e cila ndodhej bashkë me të birin në mjet.
Raportohet se policia ka dy dyshime. E para se nëna mund të ketë kthyer kokën nga djali i saj dhe për pasojë ka humbur drejtimin dhe e dyta që shkak i aksidentit të jetë bërë përdorimi i celularit gjatë kohës së ngasjes së makinës.
Aksidenti tragjik u shënua ditën e sotme rreth orës 14:00, në rrugën urbane “Antipatrea”, pranë vendit të quajtur “Ura e re”.
Klaudia Xhaferaj duke drejtuar mjetin tip “Benz” ka humbur kontrollin dhe ka rënë në lumë.
Për pasojë 25- vjeçarja ka humbur jetën bashkë me fëmijën e saj rreth 6 vjeç. Grupi hetimor në vendngjarje po kryen veprimet për zbardhjen e shkaqeve të aksidentit
