Nga Kastriot Myftaraj
Shumë njerëz u habitën kur Kenta Bunga-Gafa, e njohur për bunga-bunga dhe gafa u bë zyrtare e lartë e Vetingut. Emrin ia kam ndryshuar pak zonjës, për shkak se shkronja “K” është bërë emblemë familjare për të që kur një oligark pranë Ramës e shpalli publikisht babain e saj si kryetar të shoqatës së k…rëve, gjë për të cilën ka edhe një video në youtube.
Zonja Kenta Bunga-Gafa e bëri këtë kërcim në karrierën e saj, duke arritur në lartësitë e vetingut, me ndihmën e Mjero Çorapes, i cili kështu i pagoi një detyrim të vjetër. Mjeroja përdori ndikimin që ka te Edi Rama.
Historia është kështu. Mjeroja shumë vite më parë, në kohën kur ishte në shërbim të Sali Berishës, megjithëse ishte i martuar dhe me fëmijë kishte dashnore motrën e Kentës, të cilën po e quaj Kalba, siç ia ndryshoi emrin Mjeroja kur e kërcënoi që të abortonte dy binjakët që kishte me të. Domethënë se ajo do të kalbej në varr. Mjeroja ka shumë fantazi kur bën kërcënime ndonëse në këtë rast iu desh të gjente veç një shkronjë. Mjeroja e kishte gënjyer Kalbën duke i thënë se do të ndante gruan dhe do të martohej me të. Deri këtu asgjë e jashtëzakonshme.
Diçka më e jashtëzakonshme kjo histori u bë kur zonjushë Kalba mbeti shtatzënë dhe nuk donte t’ i abortonte dy binjakët që mbante në bark. U përpoqën Mjeroja dhe Kenta që ta bindnin Kalbën por më kot. Ajo ishte e vendosur që t’ i lindte fëmijët. Nuk bënë efekt as kërcënimet e Mjeros se ajo do të kalbej bashkë me kopilët e tij të palindur, një kërcënim i qartë për zhdukjen e saj fizikisht. “Ta ndryshoj emrin, të bëj Kalba”, i tha Mjeroja i cili ka vërtet shumë fantazi kur bën kërcënime.
Në këto rrethana Mjeroja bëri një konspiracion me Kentën. E droguan Kalbën, e dërguan në një klinikë ku iu bë aborti kundër dëshirës së saj. Për këtë Mjeroja kishte paguar para. Dramë e tmerrshme për Kalbën kur erdhi në vete. Çfarë të bënte, të denonconte motrën që kishte bashkëpunuar me Mjeron?
Si shpërblim për bashkëpunimin, Mjero Çorapja e bëri Kentën zyrtare të lartë të Vetingut. Kenta edhe sot me siguri mendon që i ka bërë një të mirë motrës së saj.
Sa për Mjero Çorapen ai nuk mund të mos e vuajë tragjedinë që rriti si të tijët dy kopilët e Zenit të Saliut, por nuk i la që të vijnë në këtë botë dy djemtë e tij biologjikë.
