Deputetët Vullnet Sina (PS) dhe Bledion Nallbati (PD) u bënë protagonistë në seancën e pasdites në Parlament pasi u përfshinë në një përplasje fizike brenda sallës. Por ndërkohë që debati mes dy deputetëve ka vijuar edhe pas mbylljes së seancës.
Nga raportimet mësohet se ka qenë deputeti socialist Sina që me të mbaruar seanca ka shkuar drejt kolegut demokrat Nallbati për tu sqaruar. Dy deputetët janë përfshirë në një përplasje verbale, që është shuar brenda pak sekondash për shkak të ndërhyrjes së kolegëve të tyre në mazhorancë dhe opozitë.
“Si merr guximin ti të ngresh dorën?”, iu drejtua Sina, Nallbatit, duke iu referuar incidentit në sallën e Kuvendit.
“Unë mora kartën, ti ngrite dorën”, ishte përgjigjia e Nallbatit.
Më pas kanë ndërhyrë të tjerë ligjvënës duke shmangur kështu ndoshta një precipitim të situatës mes dy deputetëve, që duket se kanë qenë të tensionuar.
Pak minuta më pas, Nallbati i pyetur nga gazetarët tha se nuk kishte ndonjë koment lidhur me incidentin.
Deputeti demokrat u përjashtua nga seanca nga Kryeparlamentarja Lindita Nikolla, e cila duket se me vendimin e saj për të vijuar një seancë normale, me një prezencë të shtuar të gardistëve në sallën e Kuvendit, si asnjëherë më parë, në vend që të qetësojë “gjakrat” duket se i ka shërbyer tensionit në Kuvendit.
Deputetët Vullnet Sina (PS) dhe Bledion Nallbati (PD) u bënë protagonistë në seancën e pasdites në Parlament pasi u përfshinë në një përplasje fizike brenda sallës. Por ndërkohë që debati mes dy deputetëve ka vijuar edhe pas mbylljes së seancës.
Nga raportimet mësohet se ka qenë deputeti socialist Sina që me të mbaruar seanca ka shkuar drejt kolegut demokrat Nallbati për tu sqaruar. Dy deputetët janë përfshirë në një përplasje verbale, që është shuar brenda pak sekondash për shkak të ndërhyrjes së kolegëve të tyre në mazhorancë dhe opozitë.
“Si merr guximin ti të ngresh dorën?”, iu drejtua Sina, Nallbatit, duke iu referuar incidentit në sallën e Kuvendit.
“Unë mora kartën, ti ngrite dorën”, ishte përgjigjia e Nallbatit.
Më pas kanë ndërhyrë të tjerë ligjvënës duke shmangur kështu ndoshta një precipitim të situatës mes dy deputetëve, që duket se kanë qenë të tensionuar.
Pak minuta më pas, Nallbati i pyetur nga gazetarët tha se nuk kishte ndonjë koment lidhur me incidentin.
Deputeti demokrat u përjashtua nga seanca nga Kryeparlamentarja Lindita Nikolla, e cila duket se me vendimin e saj për të vijuar një seancë normale, me një prezencë të shtuar të gardistëve në sallën e Kuvendit, si asnjëherë më parë, në vend që të qetësojë “gjakrat” duket se i ka shërbyer tensionit në Kuvendit.
