Ish-kryeministri Sali Berisha ka treguar si e ka njohur Lulzim Bashën. Në emisionin “Opinion”, lideri historik i demokratëve tha se është njohur ër herë të parë me Baren Kohen. Berisha zbuloi se ishte djalë i ri dhe i erdhi me pantallona të shkurtra.
Andi Teli: Cili është personi që iu rekomandoi Bashën në 2005?
Berisha: Bashën e kam njohur… Ai ka ardhur për herë të parë me Baren Kohen, ishte holandez që faktoi helmimin e fëmijëve në Kosovë. Erdhi me pantallona të shkutra, djali i ri. Nga e kishte njohur atë, unë nuk e di. Për mua Kohen ishte një personalitet që ne e donim, se mbështeti Kosovën. Që nga ajo kohë, unë njoha Lulzim dhe Aurela Bashën. Aurela bashkë me një zonjë tjetër kishin një organizatë të shoqërisë civile që ndiqnin jetën parlamentare, por edhe në KE. Ishte financim i parlamentit holandez. Nuk ka qenë vajza ime që ma ka sugjeruar. Unë e kam njohur para vajzës dhe dhëndrit. Po të kthehemi prapë pas, sërish do ta merrja. Basha ka ardhur me 38 vetë të KOP. Pas largimit tim garoi Basha dhe Olldashi. Kur më thoshin ti na e solle, unë i thosha; kush të pengojë të garojë?
