Ndërkohe që në Shqipëri është rritur zemërimi ndaj kryeministrit Edi Rama, I cili kohët e fundit po shfaqet publikisht çdo muaj në krah presidentin serb për te promovuar nisma kontroverse dhe përjashtuese për Kosovën, gazetari Adi Krasta publikoi një shkrim në faqen e tij të FB.
Ai shkruan “Asgje nuk ka ndryshuar për në shqiptarët për mënyrën sesi na shohin e trajtojnë sot e gjithë jetën tonë të vështirë e të sulmuar.
Na mungon një Doktrinë e Bashkuar e Mbrojtjes Kombëtare. Në vend të saj gjithëfarëlloj njerëzish të rastësishëm që nuk e njohin historinë ose e harrojnë atë, nuk i rezistojnë dot tundimit për të bërë faje, gabime e gafa. Ata kanë si kartë justifikuese “Banalitetin e të Keqes”.
Nana gjakovare Ferdonije Qerkezi, e cila ka humbur të gjithë familjen në luftën me forcat ushtarake dhe pushtetin serb, na kujton se sa shpejt mundemi të gabojmë dhe çfarë çmimi na duhet të paguajmë,”
Gazetari Krasta gjithashtu poston edhe një fotografi te Ferdonije Qerkezit e cila gjatë luftës së Kosovës humbi gjithë familjen e saj: bashkëshortin Halimin dhe djemtë Artanin dhe Edmondin
“Të dy djemtë i kam martuar për një ditë. Nuset e tyre kanë pritur për pesë vjet e gjysmë që burrat e tyre të kthehen në shtëpi”, shprehet ajo e pikëlluar.
