Teksa po punohet për vënien e fundit në Teatër, aktorët janë përballë njëri- tjetrit megjithë kundërshtitë dhe dakordësitë për kryefjalën e kohëve të fundit, shembje apo rikonstruktimin e Teatrit Kombëtar. Janë bërë të njohur emrat e aktorëve pro dhe kundër, por janë të lexueshme edhe heshtjet paktizuese.
Imami ka kohë që flet se është pro shembjes, ndërsa Shundi e ka shprehur në shumë deklarata se ështe kategorikisht kundër shkatërrimit të godinës, madje lotët e aktorit se nëse shembej godina ai do të ndjehej keq, u komentuan gjatë në rjetet sociale.
Tan Imami teksa testonte se ndoshta Shundit, kalimi i kohëve i ka mundësuar edhe ndryshimin e opinionit për objektin në fjalë, i drejtohet atij me batutën se “ç’na duhet më kjo godinë”. Përgjigja e aktorit ishte e paparashikuar për kolegët : “Do përfitosh ndonjë tender ti Imam, apo si e ke hallin?!” .
Natyrisht që sulmi i drejtpërdrejtë ç’armatos aktorin i cili mërmëriste se “tashmë nuk është koha për biznesin e ndërtimit”, por pakti që ka mbyllur gojët e shumë aktorëve kushedi se kur do të dalin.
