Ka ndërruar jetë në moshën 56-vjeçare, regjisori i mirënjohur, Gjergj Xhuvani.
Mësohet se ka vdekur në banesën e marrë me qira në Romë, ndoshta nga një goditje në zemër.
Kineasti gjendej në kryeqytetin italian, se po i jepte dorën e fundit filmit të tij më të ri, ndërsa ka qenë duke montuar muzikën e filmit. Mungesa e tij është vënë re, kur nuk po paraqitej në studiot e montazhit, ndërsa nuk përgjigjej as në telefon.
Gjergj Xhuvani është regjisor, skenarist dhe producent. Ai lindi në vitin 1963 në Tiranë.
