Është ndarë nga jeta aktori i mirënjohur shqiptar, Lazër Filipi. Lajmi bëhet me dije nga familjarët e tij.
Lazer Filipi është shuar në moshën 95-vjeçare.
Lazër Filipi lindi në Shirq të Shkodrës më 7 shkurt të vitit 1921. Ai ka qenë aktor dhe skenarist i mirënjohur shqiptar. Rolet e tij ishin të arrira ne teatrin dhe kinemanë e Realizimit Socialist. Roli më i mirë i tij është ai në “Orët e Kremlinit”, ku interpretoi Vladimir Iliç Leninin.
Lazër Filipi aktivitetin artistik e nisi qysh kur ishte partizan në 1943, me grupin teatral të Priskës. Në vitin 1945 vjen aktor në Teatrin Popullor. Gjatë viteve 1947-1950 kreu studimet në Çeki.
Doli në pension në vitin 1977, por nuk u shkëput nga skena, duke interpretuar role edhe në vitet fundit. Në galerinë e personazheve të krijuara prej tij është edhe Ali Pashë Tepelena, apo në vitin 2005 Napoleon Bonaparti nga drama e Aleksandër Moisiut.
Ka fituar disa çmime dhe mban titullin “Artist i Merituar”. Gjatë karrierës së tij interpretoi rreth 80 role në teatër e kinematografi.
