Kryeministri i Kosovës, Isa Mustafa ka akuzuar Serbinë për ndikim të paligjshëm ndaj drejtësisë franceze për shtyrjen e seancës për çështjen Haradinaj në Gjykatën e Colmar.
Nëpërmjet një postimi në Facebook, Mustafa ka deklaruar se “shtyrja sërish e vendimit për lirimin e ish-kryeministrit të Kosovës, Ramush Haradinaj është dëshmi e keqpërdorimit të drejtësisë nga Serbia, e cila në emër të informatave shtesë, po zvarrit një proces të ndërtuar mbi akuza të fabrikuara, përmes rrugëve të paligjshme dhe me synime degraduese për tërë popullin e Kosovës”
Sipas tij Serbia po përpiqet të dëmtojë jo vetëm imazhin dhe personalitetin e ish-kryeministrit Haradinaj, por edhe atë të qytetarëve të Kosovës dhe shtetit të Kosovës.
Mustafa i bën thirrje bashkësisë ndërkombëtare që t’i japë fund njëherë e përgjithmonë këtyre akteve të patolerueshme të Serbisë, ndërsa kërkon nga institucionet franceze të mundësojnë kthimin e zotit Haradinaj në Republikën e Kosovës.
http://27.al/shtyhet-seanca-nga-gjykata-ne-colmar-haradinaj-abuzim-politik-dhe-turperues/
