Shtyhet për datën 19 shtator gjyqi në ngarkim të ish-Ministrit të Brendshëm Saimir Tahiri.
Përmes një deklarate për mediat, Tahiri ka hedhur sërish poshtë akuzat duke theksuar se nuk janë të bazuara në prova por të stisura nga Prokuroria.
Kujtojmë që ish- ministri akuzohet për tre vepra të rënda penale, që kanë të bëjnë me trafik droge dhe pjesëmarrje në grup të strukturuar kriminal.
“Unë akuzohem që jam pjesë e një grupi të strukturuar kriminal përb trafik droge bashkë me disa policë, që nuk kanë qenë as me detyrë në Vlorë gjatë kohës që është bërë trafikimi i lëndës narkotike. Ky procedim penal është nisur nga policë në varësi timen. Ata denoncuan Habilajt. Ato që thotë Prokuroria shqiptare janë gënjeshtra dhe antimafia italiane i ka hedhur poshtë.
Ju e dëgjuat dhe unë jo pak shkak kam ndenjur në heshtje këto 2 vjet. Kam dashur të respektoj drejtësinë deri në fund. Jo pak shkak kam dhënë dorëheqje nga mandati i deputetit, që të përballem me drejtësinë si qytetar. Kam refuzuar që të përgjigjem ndaj akuzave të Prokurorisë, duke mbajtur gjithë baltën në kurriz, duke shpresuar se e vërteta do dalë në dritë.”, deklaroi Tahiri.
