Silvana Balliu është vënë në pranga nga policia në kryeqytet pasi mashtronte qytetarët. Balliu, shtirej si dietologe, madje kishte hapur në zonën e Brrylit në Tiranë, një subjekt, në të cilin shiste dieta të ndryshme në këmbim të shumave monetare nga 150 deri në 300 euro dieta.
Policia zbulon se gjatë ndërhyrjes nga shërbimet e Policisë, gruaja ka fshirë nga telefoni i saj, bisedat me qytetarët (klientët), me qëllim për të penguar zbulimin e së vërtetës.
41-vjeçarja do të hetohet për veprat penale “Mashtrimi”, “Fshehja e të ardhurave”, dhe “Veprime që pengojnë zbulimin e së vërtetës”. Materialet i kaluan Prokurorisë, për veprime të mëtejshme procedurale.
