Ish-deputetja e Partisë Demokratike, Albana Vokshi ka reaguar në lidhje me shtimin 26 për qind të numrit të azilkërkuesve në vendet e Bashkimit Evropian.
Përmes një statusi në Facebook, Vokshi shprehet se Shqipëria gjatë qeverisjes së Edi Rama rënditet vendi i parë i Europës për nga numri i lartë i azilantëve, sipas shifrave të Eurostat.
Vokshi bën thirrje shqiptarëve se është koha për tu bashkuar që Rama të largohet, ndryshe Shqipëria do të zbrazet.
“26% më shumë shqiptare kërkuan azil për herë të parë në një nga vendet e Bashkimit Europian gjatë 3 muajve të parë të 2019-s sipas Eurostat. Shqipëria gjatë qeverisjes se Edi Rama rënditet vendi i parë i Europës për nga numri i lartë i azilantëve, sipas shifrave të Eurostat.
Nëse nuk e ndalim sot Edi Ramen, Shqipëria do të zbrazet! Ky është plani i Edi Ramës: Largimi i shqiptarëve të ndershëm dhe dorëzimi i Shqipërisë dhe pasurive të saj krimit dhe oligarkëve.
Është koha të jemi të gjithë bashkë. Edi Rama, kriminelët dhe oligarkët e tij, duhet të largohen, jo shqiptarët. Boll më me Shqipërinë që duan ato. Është koha për Shqipërinë e të gjithë shqiptarëve”, shkruan Vokshi.
