Ministri i Brendshëm Sandër Lleshaj ka reaguar pas deklratave të ish-kryeministrit Sali Berisha në emisionin ‘Tempora’, ku tha se ky është një shtet përdhunues dhe foli mbi abuzimin që është bërë ndaj 13-vjeçares nga Kavaja.
““S’ka më fjalë shqipe për monstrën që nuk njeh asnjë cak dhe ndot çdo gjë me gjuhën e tij! Rasti fatkeq i minorenes së dhunuar është trajtuar menjëherë dhe drejt nga Policia e Shtetit.Të tjerat janë poshtërsi. Ky e ata që bëjnë politikë apo audiencë me viktimën meritojnë neveri”, ka shkruar Lleshi.
Deklarata e ministrit ju lexua Berishës live në emision dhe ky i fundit deklaroi se ai është një shkrim i shkruar nga vetë Edi Rama.
“Më shumë di këtë. E ëma e ka marrë vesh. Ka njoftuar të shoqin në Itali dhe kanë shkuar në polici. Policia nuk ka marrë asnjë masë. Ata kanë bërë denoncimit. Ka dy variante. I pari është që i ndaluan nxënësit dhe i liruan me urdhër nga sipër, varianti i dytë është që policët kanë marrë urdhër. Jam i bindur që SHISH ka informuar qendrën dhe jam i sigurt që ka informuar kryeministrin dhe ministrat respektivë, ministren e Arsimit dhe ministrin e Brendshëm. A nuk u fsheh Rexhep Rraja.
A nuk mu hodhën mua në fyt? A u hodh i gjithë shteti kundër meje, sepse publikova mesazhin e oficerit Nuhu. Jemi shtet i përdhunuesve. A nuk ishte Elvis Rroshi i dënuar me përdhunim dhe Edi Rama dilte në fotografi me të dhe thoshte kur ka qenë 16 vjeç. A nuk mu hodhën mua në fyt pse denoncova Rexhep Rrajën pse përdhunoi vajzën. Mësuesja kujdestare i thoshte Rroshit ti je frymëzim për ne.”- tha Berisha në Ora News.
