Një shqiptar nga Kosova, i identifikuar si Liridon B., ka qëlluar me thikë partneren e tij, duke e lënë të vdekur.
Ngjarja e rëndë ka ndodhur në Francë, në Hayange, Moselle, ku se 23-vjeçari nga Kosova e ka qëlluar pesë herë me thikë partneren e tij, Stéphanie, në sy të vajzës së tyre, vetëm 4 vjeçe.
Mediat e huaja bëjnë me dije se menjëherë pas krimit i riu nga Kosova është larguar nga vendi i ngjarjes.
Policia dhe shërbimet mjekësore kanë shkuar pranë të resë, por pavarësisht përpjekjeve të tyre, 23-vjeçarja nuk ia doli dot mbanë dhe ndërroi jetë.
Autori i ngjarjes, i cili ndodhej në Francë me leje qëndrimi është një person i njohur për policinë për shkak të ngjarjeve në të cilat është përfshirë.
