Kreu i PD Lulzim Basha shkruan se renditja e shqiptarëve të fundit në rajon për pagat në sektorin publik dhe privat, vjen si pasojë e taksës progresive.
Ndërsa e quan këtë një nga dështimet më të mëdha të kësaj qeverie, ai thekson se shqiptarët meritojnë punë dhe mirëqenie ndërsa shton se do t’i rrisin të ardhurat e tyre duke jua lehtësuar barrën e detyrimeve dhe taksave.
“Sipas studimit më të fundit, me qeverinë e Ramës shqiptarët kanë mbetur të fundit në rajon edhe për pagat në sektorin publik dhe privat. Këto janë pasojat katastrofike të taksës progresive dhe një nga dështimet më të mëdha të kësaj qeverie që punon vetëm për një grusht oligarkësh.
Shqiptarët meritojnë punë dhe mirëqenie dhe ne do t’i rrisim të ardhurat e tyre duke jua lehtësuar barrën e detyrimeve dhe taksave. Taksa e sheshtë prej 9% do të jetë më e ulëta në rajon prej të cilës do përfitojnë të gjithë të punësuarit dhe vetëpunësuarit në vendin tonë. #ditëmëtëmira”, shkruan Basha.
