“Shumë shpejt, shqiponja do mbetet vetëm në flamur”, shkruan agjencia e njohur AFP. Kjo pass shqiponjat në Shqipëri, në vendin ku ato janë simbol, po shkojnë drejt zhdukjes.
Në tokën e shqiponjave, nuk do të ketë më shqiponja pasi sipas reportazhit shpendi fisnik po zhduket për shkak të gjuetisë së pakontrolluar.
Ndërsa ekspertët thonë se numri i shqiponjave është reduktuar ndjeshëm, shumë pranë Tiranës shpendi shitet në rrugë vetëm 55 deri në 85 euro.
Tregtari i shqiponjave nuk shqetësohet nga askush, ai po ekspozon shqiponjën e plagosur nga një plumb dhe këmbë të lidhura.
“Nuk e kam plagosur unë shqiponjën. Blerësit do ta mbajnë atë në një kafaz në një bar apo një restorant”, thotë shitësi i shqiponjave.
Një pronar lokali në Orikum thotë se ka blerë një shqiponjë për 400 euro dhe e ka vendosur në krah të flamurit.
Agjencia shkruan se ka pasur një ndalim gjuetie në Shqipëri që nga viti 2014. Autoritetet thonë se janë ndaluar një numër prej 2,000-3,000 gjuetarë italianë, që vlerësohet se kanë vrarë se 150,000 zogj, duke përfshirë edhe zogj grabitqar gjatë dekadës së fundit.
Por ata pranuan, kur u kontaktuan nga AFP, se efektiviteti i moratoriumit është i kufizuar pasi imponon vetëm gjoba.
